فرنسيه اسمهاجانيت ..
ووحدة إنجليزية إسمها اليزابيث ..
ووحدة عربية إسمها أم محمد ...
الثلاثة ملّوا من شغل البيت والطبخ والكنس فإتفقوا يعملوا إضراب ويخلوا أزواجهم يشتغلوا بدلهم وبعد أسبوع يتقابلوا وكل واحدة تقول ايه اللي حصل معاها
وبعد أسبوع
قالت الفرنسية أنا قلت لزوجي من النهارده مافيش كنس ولا طبخ ولا كوي .. أنا مليت من الشغل وشوف لك حل!!!
مر يوم ومفيش حاجه حصلت
وثاني يوم برضو مفيش حاجه حصلت
وثالث يوم لقيت زوجي قايم الصبح ومجهز الفطور والشاي وجابه لي في السرير وأنا نايمة وبعدين راح شغله
***********
اما البريطانية اليزابيث ردت وقالت: وأنا قلت لزوجي أنا من اليوم مش كانسه ولا طابخه ولا كاويه في البيت ده , أنا زهقت خلاص
أول يوم مفيش حاجه حصلت
وثاني يوم مفيش حاجه حصلت
لكن في اليوم الثالث لقيت زوجي رايح السوبرماركت وإشترى كل الطلبات الي كنت عاوزاها في البيت وبعدها قام نظف البيت كله وكل شئ كان تمام التمام
**************
أم محمد جاء دورها في الحكي فقالت: أنا رحت بعد ما سيبتكم وقلت لزوجي إسمع يابو محمد أنا زهقت من شغل البيت وإعمل حسابك أنا من بكرة لا كانسه ولا طابخه ولا كاويه
وبصراحة أول يوم ماشفتش حاجه
وثاني يوم ماشفتش حاجه
وثالث يوم برضه ماشفتش حاجه
والحمد لله رابع يوم قدرت أشوف شوية بعيني الشمال
موضوع: ثلاث ستات ملوا من شغل البيت 
الأحد يوليو 19, 2009 8:49 am